प्रचण्डकी नातिनी स्मीता दाहालको ‘मायालु तिमी कता छौ–२’ सार्वजनिक

0
10

सत्तारूढ नेपाल कम्युनिस्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ की नातिनी स्मीता दाहालको ‘मायालु तिमी कता छौ’ गीतको भाग–२ को म्युजिक भिडियो बिहीबार सार्वजनिक भएको छ।

राजनराज सिवाकोटी र स्मृति दाहालको स्वरमा रहेको गीत युट्युबमा सार्वजनिक भएको हो। स्मीता, प्रचण्डकी छोरी गंगा दाहालकी छोरी हुन्।

गीतको म्युजिक भिडियोमा स्वस्तिमा खड्का र पल शाहको अभिनय छ। यस्तै बाल कलाकार एन्जल राई र अर्बिन खड्काले अभिनय गरेका छन् भने गीतमा बाल गायिका ग्रस्मा सिवाकोटीको स्वर छ।

करिब १ वर्षअघि सार्वजनिक ‘मायालु तिमी कता छौ’ बोलको गीत चर्चित बनेपछि दाहाल र शिवाकोटीले यसको भाग २ बनाएका हुन्। आज सार्वजनिक ‘सिरीरी’ शीर्षक दिइएको यो गीत त्यसकै दोस्रो भाग हो।

लोक शैलीमा आधारित ‘मायालु तिमी कता छौ भाग २’ मा राजनराज सिवाकोटीकै संगीत छ। बिहीबार युट्युब च्यानल गज्जब टिभीमार्फत म्युजिक भिडियो सार्वजनिक गरिएको हो।

सरोज ओझाको निर्देशनमा निर्मित भिडियोमा नवराज उप्रेतीको सिनेमेटोग्राफी छ। भिडियोको अवधारणा र कोरियोग्राफी विक्रम स्वारले तयार पारेको निर्माण पक्षले जानकारी दिएको छ।

LEAVE A REPLY