सोमवार, मंसिर १२, २०७९
Monday, November 28, 2022

गठबन्धन कुनै हालतमा टुट्दैन : प्रधानमन्त्री शेरबहादुर देउवा

  • 200
  • 12
  •  
  • 3
  •  
  •  
  •  
    215
    Shares

काठमाडौं । नेपाली कांग्रेसका सभापति एवं प्रधानमन्त्री शेरबहादुर देउवा, नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ र नेकपा (एकीकृत समाजवादी)का अध्यक्ष माधवकुमार नेपालबीच स्थानीय तह निर्वाचन, एमसिसी र सत्ता गठबन्धनका विषयमा छलफल भएको छ ।

प्रधानमन्त्री निवास बालुवाटारमा उहाँहरूबीच बुधबार साँझ भएको स्थानीय तह निर्वाचन, एमसिसी र सत्ता गठबन्धनलगायत विषयमा छलफल भएको अध्यक्ष दाहालको सचिवालयले जनाएको छ ।

सो छलफलमा प्रधानमन्त्री देउवाले संविधानको रक्षा र प्रतिगमनविरुद्ध बनेको सत्तारुढ गठबन्धन कुनै पनि हालतमा टुट्न नदिने प्रतिबद्धता व्यक्त गरेको बताइएको छ ।

अमेरिकी आर्थिक सहयोग मिलेनियम च्यालेन्ज कम्प्याक्ट(एमसीसी)को विषयले गठबन्धनमा खटपट भइरहेको छ। बुधवार बिहान पनि प्रधानमन्त्री निवास बालुवाटारमा भएको भेटवार्तामा एमसिसी र स्थानीय तहको निर्वाचनलगायतका विषयमा छलफल भएको थियो। भेटवार्तामा सरकारका प्रवक्ता तथा सञ्चारमन्त्री ज्ञानेन्द्रबहादुर कार्की पनि सहभागी थिए।

प्रधानमन्त्री देउवा स्थानीय तहको निर्वाचनअघि नै एमसिसी संसदबाट अनुमोदन गराउने पक्षमा छन्। तर, माओवादी अध्यक्ष प्रचण्ड र एकीकृत समाजवादीका अध्यक्ष नेपाल एमसिसी संशोधनबिना अगाडि बढाउन नहुने अडानमा छन्। जसले सत्ता गठबन्धनमा खटपट बढेको छ।

एमसिसीका कारण गठबन्धनमा खटपट भइरहेको बेलामा यसअघि पनि प्रधानमन्त्री देउवाले मंगलवार प्रचण्डलाई भेट्न ज्ञानेन्द्रबहादुर कार्की र पूर्णबहादुर खड्कालाई खुमलटार पठाएका थिए। बुधबार बिहान पनि गृहमन्त्री बालकृष्ण खाँण एकीकृत समाजवादीका अध्यक्ष नेपाललाई भेट्न नेपाल निवास कोटेश्वर पठाएका थिए।

WRITE COMMENTS FOR THIS ARTICLE

0 0 votes
Article Rating
Subscribe
Notify of
guest
0 Comments
Inline Feedbacks
View all comments

RELATED NEWS ARTICLES

2
0
Would love your thoughts, please comment.x
()
x